Heem      80
Print this pageAdd to Favorite
 

 
80
Dit is óp de ieësjte plaatsj ing ode an alles wat de joare '80 als moeziek hant ópjelieëverd. En dat is jans vöal. Moeziek woa d'r computer 't vuur 't zage kroog, mar woa nog ummer mit zoeëvöal leefde vuur melodie, harmonie en jouw tekste jewirkd woeët dat 't nog ummer lidjer woare en jinne beat mit inne sjrai of jemoels óp ritme. 
 
Doe zeës alling adieë
Duet mit Anja Bovendeaard. Ee bies-je jedaad an Human League bij 't sjrieve. Uvver jong en meëdje die alletswai angesj kieke noa wat is passeerd.
 
Tswai manslu
Moeziek maache mit angere, dat woar óch wal ee sjtreëve en d'r ieësjte deë mitdong woar d'r Ivo van der Bijl in een lidje uvver sjwoel zieë en ziech enderende tsiete. Jeluklieg leëve vier in ing tsiet woa angesj noa zaache jekaeke weëd en de joare '80 woare doa zicher óch ing oerzaach van. 
 
Va tsoeker jemaad
Iech vong 't zelf zoene sjunne sjpróch: Ós leefde is va tsoeker jemaad. En woarum nit? Ee bies-je seksie, ee bies-je vrech. Dat darf aaf en tsouw.
 
Doe broechs miech nit tse zukke
Aaf en tsouw is me de welt um ziech hin zoeë zat dat me 't lifste alles wilt inpakke en versjwiende. Wied voet en vuur jinne tse aterhoale. Doa jeet dat lidje uvver.
 
Wasser
Ultravox kieket um d'r ek mit. Al jemaad in d'r detsember 2010 wie 't wasser van de Maas ós bauw an de lippe sjtong!
 
Doe zeës alling adieë
Inne remix is inne hoof werk. En zier creatief. Dat tseecht d'r Hubert Schunken hei. Sjiek jedoa.
 
 
 
 
 

Doe broechs miech nit tse zukke

 

Óp inne jouwe daag maach iech mit alles sjloes

Dan pak iech jet klamotte en loof de duur eroes

Iech ees óch nit woahin en wie lang iech jon,

mar iech jon.

Iech han dök van al de naas zoeë sjreklieg vol

Dat iech dink nog effe, dan sjleet ’t miech in d’r bol

Dan verjaes weë iech bin en wat iech don

en iech jon.

 

Doe broechs miech nit tse zukke,

Den iech wil nit jevónge weëde.

 

Iech maach dök sjtiekem van mieng hank ing voes

En hod miech werm in, jee woad kunt droes

Mar iech pltas bauw oeseree van alles ópjekrópd

En iech sjwieg.

Iech kiek de welt miech aa en weëd nit sjlauw mieë droes

Iech bin nit ins tsevreie in mie eje hoes,

Sjreëg en sjeef en lingelaam, woa óp iech sjton,

En iech jon.

 

Doe liks doa tse sjloffe mit ee jezich vol vrid.

Zouw iech diech wakker róffe, nae, dat wil iech nit.

Dat iech diech han jetróffe, dat vilt werm mit

En endert dit.

 

Va tsoeker jemaad
 

Ós leefde is va tsoeker jemaad

Sjmilst óp de tsong

Zusser nog wie milchsjokkelaat

Sjmilst óp de tsong.

’t Veult ummer wie sjnuutse

went vier  ós puutsje.

 

Kan me van de leefde leëve

Ze jieëft miech vöal kraf

Ze sjtreum wie zaf

Maat de leefde ós an ’t sjweëve

Iech han jee jewieët

En veul miech jans lieët

Ze brengt miech jiddes kier

Ee jroeës sjtuk wieër.

 

Kan me van de leefde leëve

Iech han zoene zin

Wen iech bij diech bin

Is dat noen nit uvverdraeve

Ze vult mieng janse brós

Mit poere jenós

Iech vroag dan januus mieë

Dan wie bij diech tse zieë.

 
Tswai manslu
 
Noe kiek ins dao die tjwe die loupe handj in handj

En puene zich gans aope veur minutelank

Huer ins wie ze kalle

Kiek wie ze zich aansjtelle

Noe zèk mich ins de tied van noe is krank?

 

Dat zunt doch manslu, kiek ins doa, joa alletswai

Is dat noe normaal, maat jinne mieë behai

Ze kanne zoejaar trouwe

Tsezame ee leëve bouwe

En kinger krient ze, is dat nit allerlai

 

Dat ’t zwaget geuf

Joa iech weit d’rvan

(iech wees d’rvan)

Dat me dat kieke leuët

Joa dat kriet me dan.

(Dat kriet me dan)

Es hun dat gelökkig maak

Is dat hun eige zaak.

 

Ze heite Joep en Sjeng en zin al jaore zwa

Groete alle lu sjus wie ich en doe

Ze zin óch hie gebaore

Zin ummer frisj gesjaore

En doon gewoon zónger ba of boe.

 

Ieësj wós iech nit ins woa of iech kieke moeët

Noen sjtunt ze bij d’r bekker wen iech jon vuur broeëd

Vier kalle ummer effe

Went vier ós doa treffe

Weë wees noe nog woarum dat vruier janit koeët?

 

Dat ’t zoeë jet jieët

Joa iech wees d’rvan

(ich weit d’rvan)

Dat me dat kieke lieët

Joa dat kriet me dan.

(Dat krig me dan)

Went hön dat jeluklieg maat

Han iech nuus jezaad.

 

Alles endert ziech

zoejaar iech

wie zit ’t dan mit dich?
 

Doe zeës alling adieë

 

Doe woats dat meëdje in >t jesjef óp d=r ek

Iech daat ing janse tsiet doa woats noa miech ram jek

Dat ummer vrundlieg laachet wen iech doa jet jool

mar iech wós iech nit wat iech zage wool.

En al koam iech jiddere daag

iech kroog nit mieë wie deë leve laache

Het zaat alling adieë.

 

Doe waors doch dae man dae achter mich aa zout

Doe kaoms kwansies get koupe dats te dan vergouts

Ich bleef mar lache mar iech zag gein waord

want ich wis mich gaaroets geine raod

Al kaoms te jekere daag

Ich zuchde dat waor miene klach

ich zag allein adieë.

 

Noen lofe vier ós ónverwaads hei teëje >t lief

V’r weite nieks te zègke en v’r lache ’ns sjtief

Bedinke ós jans eënsj wat ’t häu jebraad

mer veur alles is >t noen te laat.

Noen weite veer jedere daag

>t waor ummer al zonneklaar

Vier zage alling adieë.

 

De tsiet is um, ’t jesjefje nit mieë

V’r winke effe pienglieg en zage nuus mieë.

Dao waar niks meer wie lóch.

Dao waar niks meer wie lóch.

Doe wurs >t neit gewaar

zoeë geit >t jedere daag.

Doe zeës alling adieë.

 
   
 
   
Paul Weelen/Paul Weële